E dos personanan deteni algun dia pasa den un caso di inmoralidad contra di un menor di edad, a wordo laga den libertad. E homber Antoni Gario y e muhe F. diahuebs a recobra nan libertad.
E investigacion di Jeugd en Zedenpolitie no a rindi suficiente prueba di cualkier delito of hecho castigabel cometi pa e dos personanan aki. Pa e motibo aki tambe, fiscal a duna orden pa e wordo laga den libertad, di forma inmediato.
DETENCION
Tabata diabierna anochi cu polisnan a detene e conocido musico A. G., sospecha di lo tin un relacion amoroso cu un mucha muhe di apenas 14 aña di edad. Pero G. for di e prome instante caba a nenga su culpabilidad. El a wordo deteni y a dura algun husticia por verifica e declaracion di e mucha contra di dje.