Antisocialnan dialuna marduga a intenta di horta na Trupiaal Kleuterschool na Santa Cruz, ta ora cu alarma a activa e personal di siguridad a presenta. El a logra drenta paden y constata cu antisocial a drenta e tereno di scol y kita algun shutter pa drenta den klas horta pero a dal den duro. A topa cu heronan na bentana cu a haci cu e ladronnan no por a drenta paden. Departamento forensico di Cuerpo Policial a presenta na e scol mainta pa tuma evidencianan.