Diasabra mainta central di polis ta haya un yamada cu un pareha turista lo a ser horta ora cu nan tawata disfrutando di nos beach den e area di Arashi. E ladronnan lo a bay cu tur nan pertenencianan y te hasta a coy e yabi auto y bai cu e auto un Great Wall shinishi numera V-3843. Patruya di strand ta yega na e sitio y ta atende cu nan. Di biaha ta drenta un melding cu na Alto Vista pazuid di ex Mo-Tin Bar lo mester a haya un V-car shinishi laga atras. Patruya di Noord ta bay controla y di berdad ta topa cu e V-car horta. Pero nada di e ladronnan y e pertenencianan. Polis tin e caso bou investigacion.