Anthony Loo, di servicio Meteorologico di Aruba, a hiba palabra awe mainta durante e conferencia di prensa special, pa loke ta e Tormenta Tropical, awo horcan categoria 1, Matthew.
Pa 11’or e tabata 14.2 grado nort y 66.3 grado West. Esey ta mas of menos 435 kilometer oost noordoost di Aruba. Matthew ta moviendo direccion west 24 kilometer pa ora. Bientonan sosteni ta 110 kilometer pa ora. Unico cos bon te ainda cu Matthew ta moviendo un tiki mas panort, entre 5’or y 11’or, el a subi 0.2 grado. Cada punto cu e subi, pa Aruba e ta mas miho. Tin un alerta pa un Tropical Storm Warning pa Aruba actualmente, cual ta condicionnan di tormenta tropical ta posibel.
Tin un aviso pa botonan chikito cu a drenta na vigor ayer tardi 6’or. Tur hende cu tin boto, si ta posibel saca nan for di awa of move nan.
Matthew su movecion ta depende di 2 factor.
E tin un area di presion halto panort di dje, cu ta ten’e abao, pazuid. Tin un front riba Merca cu ta baha y si esey baha e ta kibra e hoog e ora Matthew lo tuma su ruta mas normal cu ta noordwest.
Actualmente e ta bay pasa den careda di 2’or di marduga mas of menos entre 150 pa 200 kilometer panort di Aruba.
Manera cu por a ripara, e ta haciendo efecto riba nos. E ta pushando aire humedo den nos direccion, pesey mainta tabata tin un periodo cu awasero a cay.
E chens riba yobida ta mas of menos 60%, cual ta basta halto. Diahuebs pa diabierna marduga, e chens ta bira un tiki mas halto. E biento ta bay ta ongeveer 13 nudo, cual ta 25 kilometer pa ora y e ta bay tin rafaga te cu 23 cual ta un tiki mas halto. E biento echt no ta hungando un rol hopi grandi actualmente. Mas panort e bay, menos biento nos ta bay haya.
Unico problema ta cu biento lo bay cuminsa bira. E ta bay cuminsa bira bay direccion nort y yegada pasada di Matthew, e ta bay cuminsa drenta di parti West. Despues e ta bira zuid. Esey tin cun’e cu lama ta bay cambia di direccion tambe y ta bay haya ola y deining. E olanan cu ta bay haya ta olanan cu nan ta yama windwaves. Olanan cu ta wordo pusha door di biento. Mas duro e biento ta, mas halto e olanan aki ta. Nan no ta mucho hopi problema. E deining ta e problema pasobra esey ta ora cu e tropical storm caba di pasa nos, esey ta esun cu ta ocasiona mas tanto daño. Un otro informacion cu tin ta cu tropical storm Matthew pasa panort di nos, e lo cambia bira un horcan categoria 1. Ainda hopi swak. E ora e ta panort di nos caba, segun Loo.
Durante dia awe e chens ta keda cu e ta keda parcialmente te cu completamente nubla cu chens riba yobida, compaña pa lamper cu strena. Biento lo keda poco swak ainda, solamente durante yobida lo bay haya rafaganan cu ta core te cu 27 nudo. Durante oranan di madruga e chens di yobida ta aumenta tiki mas y mañan tambe e lo ta nubla. Chens di yobida compaña pa lamper cu strena.
Meteo ta prefera pa ningun hende subi lama. Ta miho preveni cu lamenta. Botonan, si ta posibel, sak’e for di awa ta mas miho. Si no ta posibel, purba di hinca den e bahia cu nan tin na zuidkust, ta un tiki mas miho protehi. No full, pero un tiki mas miho.
Segun Loo, lama lo bay cambia. Esey ta e problema. E yobidanan cu ta bay cay awo, ta bay acumula un caminda. Esey ta e problema.
E cantidda di awasero cu por cay ta entre 5 y 40 milimeter durante un periodo.
Mas cerca Matthew ta cerca di Aruba, lo cumins sinti efectonan mas hopi di Matthew.