Diahuebs mainta a tuma luga e firmamento di CAO entre sindicato STA y ANSA. E tabata negociacionnan cu a conoce contratempo. Pero no cu partidonan tabata asina leu for di otro cu no por a yega na un acuerdo, pa cual el a dura 11 luna.
Trahadonan a conoce un adelanto, uno substancial. Si Sr. Kock a duna un mensahe di cautela. ANSA ta un compania liga directamente cu aviacion. Tin un situacion cu Venezuela, fronteranan cera, desde 20 di februari cual a afecta e compania seriamente. Esaki ta e realidad financiero, pa cual mester ta cauteloso y vigila e situacion di cerca.
https://www.facebook.com/masnoticia/videos/439423036901869/
Si e situacion no mehora a corto plaso, no ta exclui e posibilidad pa bolbe sinta na mesa pa renegocia e CAO aki, cual tin un duracion di 3 aña (2019-2021).