Saliñanan tin un funcion ecologico crucial y ta un parti esencial di nos sistema natural di irigacion di awa.
Aruba ta un di e islanan mas seco den e region di Caribe, pero cu por experencia awasero fuerte durante temporada di yobida. Inundacion ta wordo evita naturalmente pa e sistema di irigacion integral di rooinan cu ta canalisa e awa pa e diferente saliñanan y despues lama.
Aunke e diferente saliñanan frecuentemente ta wordo considera inutil como ‘un area di lodo’ cu tin biaha ta wordo inunda, e hecho ta cu nan ta forma parti di areanan cu ta wordo inunda ora e nivel di awa di lama subi of parti di un lagun di awa dushi of behia y tambe na final di un sistema di rooi pa filtra e awa. E areanan aki ta extremadamente productivo pa invertebrato (bichi, cocolishi y cangreu), cu ta atrae diferente bestianan, incluyendo parha (migratorio), cu ta depende di e fuente di alimento y refugio aki.
Articulo y potret di Aruba National Park Foundation.