Anoek Hansen ta un psicologo for di Boneiro. El a bin Aruba pa haci un estudio riba Infant Mentalhealth Specialist. El a comenta cu e estudio aki ta importante pasobra e edad di 0 pa 5 aña ta hopi crucial. Nos tur ta papia di dje, tur ta bisa con crucial e ta, pero si wak, te ainda tin hopi cos, hopi intervencion, hopi terapia, ta bay di 5 aña bay ariba, siendo cu 0 pa 5 aña ta hopi importante, pa despues ora cu e persona ta grandi, pa desaroya su mes, pa siña regula su emocionnan y ta pesey ta importante pa bay enfoca mas tanto riba e periodo eynan. Por haci’e door di yuda eigenlijk e mayornan pa comprende y wak e relacion entre nan cu nan yiu. Eynan por haci hopi cu despues ta preveni cu por tin tanto problematica mas despues, ora cu nan ta grandi.
Hansen ta sigui amplia cu sigur na Boneiro ta haya hopi di e problematica aki, como tambe e cambionan economico cu tambe ta bin acerca. Tambe tin e parti cu awor aki hopi ta mas riba su mes. E parti di control social, yuda cu sosten di afo, ta virando cada biaha menos. Ta enfoca mas den cas, abo cu bo pareha, o fabo so cu bo yiu. E parti di steun di pafo, ta bira menos door cu tin hopi problema e ora eynan, Hansen a splica.