CIOS ta un estudio pa formacion deportivo riba nivel di MBO cu ta wordo duna na Hulanda. Na final di e estudio por sigui studia of cuminsa traha. E escogencia ta na e studiante. Pero prome cu inscribi pa e estudio na Hulanda, mester pasa test aki na Aruba y tin tambe otro rekisitonan.
Un di e rekisitonan ta cu mester tin minimo e diploma di Mavo.
Durante un anochi di informacion, lo duna un amplio splicacion na studiante y mayornan cu ta interesa riba e posibilidad pa sigui e estudio aki, cu formacion profesional riba e tereno di deporte.
E anochi di informacion aki ta pa studiantenan cu ta desea di bai studia pa e aña escolar 2018-2019 y lo tuma luga na luna di februari, dia y lugar lo wordo anuncia mas despues.
Tur hoben cu ta interesa pa haya mas informacion di e estudio di CIOS ta keda cordialmente invita pa asisti na e anochi di informacion compaña pa nan mayor. Esaki ta e oportunidad pa haci pregunta y cu posibilidad pa inscribi pa e testnan cu mester wordo haci aki na Aruba.
Pa mas informacion y/of participa na e anochi informativo aki lo por tuma contacto libremente cu sra. Jacqueline Ponson van Putten via email : [email protected].