Diamars Anochi proximo session di informacion encuanto di abuso sexual di mucha den bario di Sta Cruz.
Arubaanse Padvindsters Gilde (APG), Fundacion Lisette Gomez, Mitsy Willems Fundacion Psicologico conhuntamente cu Gobierno di Aruba a uni forza pa informa y conscientisa riba prevencion di abuso sexual di mucha. Con pa reconoce senalnan, trata cu situacionnan cu por surgi y unda pa acudi pa ayudo inmediato.
Tur hende den barionan, adultonan y hobennan ta keda invita pa e siguiente encuentronan:
MFA Sta.Cruz dia 28 di mei 2019
MFA Savaneta dia 4 di juni 2019
MFA Noord dia 11 di juni 2019
Orario: 7 pm
Nos como comunidad so por ban stop e silencio, y ban lanta para pa sinja proteha nos muchanan.
Nos muchanan na Aruba ta responsibilidad di nos tur, y door di trata e tema aki nos por yuda e futuro di e muchanan, cual ta e futuro di Aruba.