Museo Arqueologico tabata tin algun reto, segun director interino, Angelo Tromp. El a splica cu nan ta situa den un area turistico pero tambe cu alabes e ultimo lunanan tabata tin retonan infrastructural. Actualmente a keda cla completamente cu embeyesemento dilanti di museo. Arutram lo cuminsa core bek muy pronto, cual lo trece e turista crucero tambe na e museo.
Tromp a bisa adicionalmente cu tin tambe programanan cu tabata andando caba. Esakinan lo keda na su luga. Ta spera ningun caida, solamente mas bishitante y e programanan awor aki cu scol a cuminsa bek, e programanan escolar. Durante periodo di vakantie tabata tin programanan vacacional. Esaki tabata un edicion cu tabata mas riba man, pero a haci un bon conexion cu mesonan den vecindario. Pero e programa escolar cu lo cuminsa awor aki tambe, hunto cu otro proyectonan cu tin den cuadro cu e aniversario cu lo bay bin, segun Tromp.