BERLIN, Alemania – E canciyer Aleman, Angela Merkel, dialuna a anuncia cu e lo no opta pa reeleccion como lider di e Union Cristian Democraat na december. E ta presidente di e partido aki for di 2000. Tampoco e lo busca e lo busca su reeleccion como canciyer na final di su mandato cu lo finalisa na 2020.
Motibo di esaki ta debi na e caidanan drastico den voto cu su coalicion a sufri den e eleccionnan regional di diadomingo, den e estado di Hesse. Rumornan tabata core caba di su decision y medionan Aleman a amplia ariba esaki.
“E imagen cu e coalicion aki ta duna ta inaceptabel”, e canciyer a admiti ora cu el a anuncia su decision, relaciona cu e resultadonan obteni den un eleccion regional cu el a califica di “amargo” y cu el a atribui na “no a trabao desplega na Hesse”, sino na e conflictonan interno persistente di su aliansa di gobierno di Berlin.
Den su 18 aña como lider di e partido y casi 13 aña como hefe di gobierno semper el a asumi su responsabilidad “riba tur loke bay bon y loke bay malo”, el a agrega, pa recorda cu “no a nace canciyer” y cu despues di “reflexionnan largo”, el a dicidi di cuminsa retira di algun cargo “cu semper mi tabata kier a hiba cu dignidad y laga atras cu dignidad”.
E retiro ta inclui tres decision, e prome di cual ta cu e lo no opta pa reeleccion como lider di CDU den e proximo congreso di partido, na december. Tampoco e lo presenta su candidatura pa un mandato nobo, na final di e mandato actual y tambe e lo entrega su puesto como diputado den e Bundestag (Parlamento federal).
E eleccion di e proximo presidente di CDU lo tuma luga den e congreso di e partido, cu ta wordo celebra di dia 7 pa 8 di december na Hamburg. a