E forsa ta cu nos pa 40 aña caba.
Star Wars su premier tabata dia 25 di Mei, 1977 y esaki tabata un exito sin precedente y un di frankicianan mas stima y mas exitoso cu nunca di Hollywood.
Na honor di e aniversario, siguientemente nos ta algun anecdota cu kisas e publico no tabata sa di e pelicula.
Por ehempel:
George Lucas no tabata tin mucho speransa
E director tabata asina sigur cu e pelicula lo fracasa cu, enbes e asisti na e premiere, el a bay cu vakantie na Hawaii, cu su bon amigo Steven Spielberg. E biahe tabata uno fructifero ya cu nan a bin cu e idea pa “Raiders of the Lost Ark” durante e vakantie.
Cary Fisher mester a pone su mama na su luga
E budget inicial pa e film tabata asina limita, cu Lucas, e actornan y miembronan di e produccion mester a biaha como asistente di buelo durante pre- produccion.
Ora cu Debbie Reynolds a haya sa di esaki, el a duna Lucas un zundra pa a pone su yiu Carrie Fisher, pa pone biaha di manera barata pa Inglatera.
Fisher, cu despues lo a haya fama mundial como Princesa Leia, tabata den e camber cu Lucas, ora cu su mama a yam’e zundr’e.
Fisher, kende semper tabata conoci pa su sinceridad, a muri di complicacionan a consecuencia di un atake di curason dia 27 di December. Reynolds, di 84 aña a muri di stroke e dia siguiente.
Fisher sin brassiere
E pechonan di e actris tabata mara cu tape, ya cu e trahe di Princesa Leia no tabata permiti ningun tipo di lingerie bou di dje. Añanan despues, e tabata haci joke, “nos tur sa cu den espacio no tin paña interior”.
Ford casi no a haya papel di Hans Solo
Harrison Ford a casi perde e oportunidad di a hunga e pareha di princesa Leia, Hans Solo.
Door di tabata protagonista den un otro pelicula di Lucas, “American Graffiti”, Ford no tabata tin mag di a participa den e audicion.
Lucas tabata kier caranan fresco pa e pelicula aki y Ford no tabata ta un di nan.
Pero despues cu Ford a lesa algun regel hunto cu otro actornan cu tabata haciendo audicion pa e papel, Lucas a realisa cu e tabata tin su Hans Solo.
Tur hunto awo
Tin solamente un escena den e triologia original di “Star Wars” unda cu tur ocho personahenan principal di e pelicula ta bini hunto.
Durante e escape di Death Star, Darth Vader y Obi- Kwan Kenobi tabata tin un duelo na momento cu Han Solo, Chewbacca, Princess Leia, C-3PO, y R2-D2 tabata haci nan escapada den e Millenium Falcon.