Na Hulanda a traha un Fiscal Zone cu ta pa barionan cu tin negoshinan cu ta bende menos cu a yuda masha hopi mes. Di parti di San Nicolas Business Association, a presenta esaki na Gobierno pa bin cun’e na 2016 pero a logra. Pero ta garando e speransa cu pa 2017 esaki lo cuminsa pa asina San Nicolas por duna un miho prijs di producto cu otro barionan segun Andres Hernandez, presidente di San Nicolas Business Association.
A entrega un carta algun tempo pasa, unda cu a puntra pa un maneho di belasting cu a wordo copia for di Hulanda, cual nan a uza den diferente zona di Hulanda, cu tabata relaciona manera San Nicolas. Zonanan bandona cu tiki hende, comercionan cu a bay, etc., unda cu nan tabata buta un belasting mas abao pa e personanan cu ta den e sitio pa un periodo y cu esey pa yuda lanta e zona. Minister de Meza a tum’e den su scochi, hunto cu tur su team y a traha riba dje, unda cu awe ta den e bispo cu e ta bay bira un realidad.
E Fiscal Zone tin asina hopi cos extra di loke originalmente a pensa. E ta miho structura, e tin cu haber unda cu ta bay por kita practicamente tur e inversionnan cu mester hinca den un luga bieu of traha un luga nobo na San Nicolas. Ta bay paga menos belasting. E tin asina hopi beneficio cu un comerciante, cu ta pensa logico, un biaha e fluho tey y esaki ta on, e ta bay ta un caminda mas grandi cu e Green Corridor, segun Hernandez.
Den pasado, hendenan no tabata cumpra p’abao, nan ta bin te San Nicolas, pasobra ta hay’e semper na miho prijs. Un biaha cu tin control riba e negoshinan cu ta bin Aruba, no lo bay tin mester e control ey mas. Ta bay tin e beneficio cu lo bay por haci cu ta coy un producto y bend’e na un miho prijs di Aruba, esey ta bay crea un extra fluho, cu lo bin cu un spin off effect masha grandi.
A wordo priminti for di Januari di e aña aki caba. Segun Hernandez, mester a traha riba e ley y pa ta honesto, Hernandez a splica cu e Fiscal Zone tabata originalmente solamente pa San Nicolas.
Awendia, pueblo mester sa cu ta bay ta pa Barcadera, cual no ta wak’e malo, pasobra ta bay ta na waf. Tin entendi, cual no ta sigur ainda si, pasobra no a mira ningun caminda skirbi of firma, lo bay tin un Fiscal Zone pa Noord. Ta pensa cu tur e trabaonan aki a tarda, cual ta un overall plan di Gobierno cu no lo bay den ningun forma critik’e. Sin embargo a wak caba kico ta kico y San Nicolas lo bay tin semper e miho beneficionan. Esey a wordo garantisa, segun Hernandez.