Durante dos siman a invita pueblo pa inscribi p’asina por a scoge algun participante pa competi den e challenge aki. Seis participante a durf bisa si na e reto pa competi riba diabierna ultimo, 28 di Mei na Burger King Oranjestad.
Dicon 28 di Mei? Esaki ta e Dia Internacional di Hamburger y Burger King Aruba kier a haci un evento special pa e dia aki.
E participantenan a wordo parti den 3 ronda. Cada un a haya 10x Whopper hunto cu un cos di bebe pa asina por a demostra cuanto Whopper nan por a come y si un di nan lo por yega na come 10x Whopper completo.
Un reto duro sigur cu si, pero cu na final di anochi nos por a pone un record pa Aruba. Esaki a resulta den persona di Andre Angela cu a come 6 Whopper den 24 minuut y 18 seconde pa asina bira e ganado absoluto.
Na di 2 luga, cu 5 Whopper a keda Jonathan Roa y na di 3 luga a keda Hose Rasmijn cu a logra come 4 Whopper.
E record mundial pa come 10x Whopper ta den 7:40 minuut. Burger King ta spera pa un dia yega of surpasa e record aki.
Danki na henter pueblo pa comparti cu BK via di rednan social, esnan cu a bin apoya nan participantenan y tur cu cada dia ta pasa disfruta di e menu na e localidadnan Oranjestad, Paradera y San Nicolas.
Sigi Burger King via Facebook y Instagram pa keda informa di e special nan y noticianan di Burger King Aruba.
Ganador di e 10x Whopper Challenge Andre Angela a come 6 Whopper.
Burger King Aruba a organisa un 10x Whopper Challenge riba Dia Internacional di Hamburger. Un evento nobo pa Burger King Aruba y retando participante nan pa asina wak ken lo por a come 10x Whopper.