Andin Bikker, lider di Partido Democracia Real, a manda un mensahe pa Minister di Husticia Arthur Dowers, cu tabata tin 8 aña den gobernacion y por busca cifra di criminalidad den Oficina Central di Estadistica.
E parlamentario a bisa cu den su concepto “blow riba caya” si ta yuda. Andin Bikker a recorda cu PDR a bin cu Peter Tarlow, un profesor cu no solamente ta wordo consulta tocante e tema di combatimento di criminalidad, pero di terorismo tambe, cu ta un grado un tiki mas leu unda cu bo mester infiltra basicamente pa wak ta ken ta e sernan, pues e persona cu tin mal intencion.
E bodem line ta cu PDR si tin un plan pa combati criminalidad. “E minister aki mi no sa cuanto aña den Parlamento mi a pidi’e pa un plan, mi kier sa dos aña pasa el a manda un plan macha vago na Parlamento, pero en todo caso e plan ey no ta funcionando” segun Andin Bikker.
Hecho ta cu nos pueblo ta desprotehi y cu e persona aki den cualkier otro democracia parlamentario, mester a saca su conclusion caba, Andin Bikker a bisa.
Si esaki ta e tradicion cu Aruba ta bay sea cual ta e signatura cu ta sinta, cu nan ta keda proteha nan ministernan, en todo caso nos no ta participe di dje y nos no kier ta participe di dje tampoco.
“E otro aña ta eleccion. Nos ta bay manifestacion aki y e otro aña poco, poco, hasta piedra lo skeiro di cada droppel.
AVP den demostracion contra BBO a bolter baricada, etc., y despues a bay eleccion cu esey y kico ta e resultado 2009? 12 asiento! Dus, ora un cos ta biba den pueblo kerebo cu pueblo sa buscabo ora di eleccion y e hecho ta cu pueblo ta fada, cu e ta desprotehi, y AVP tin cu carga e consecuencia di esaki” Andin Bikker a bisa. Andin ta haya cu ora minister ta bisa cu e no por divulga publicamente e plan, esaki ta un excusa, ta ridicules. Pero si e plan ta secreto mes pero e ta funciona, e lo no tabata tey sinta papiando di e tema aki. Segun Bikker minister ta manera un mago cu ta saca coneshi for di sombre pa proteha su mes.