Minister di Husticia, mr. Andin Bikker ta elabora ariba e uzo di drone den e hotzonenan, pa asina tin un miho control, ya cu polisnan no por ta tur caminda.
E uzo di dronenann ta algo cu lo cuminsa cun’e, pero gobierno no bay pidi oferta na diferente compania, pa asina evalua si e ta bal’e la pena financieramente. Pero minister di Husticia personalmente ta haya cu si e ta bale la pena, despues di a haci su researchnan unda cu el a descubri cu helicopternan cu motor di piston enbes di esun di turbina, cu ta hopi mas barata cu e helicopternan di hopi aña pasa.
Door di e receso economico na 2008, e mercado di aviacion basicamente a bira mas pagabel. Dus si por hay’e na un prijs mas pagabel, cu e presencia constantmente cu esunnan cu menos bon intencion, sa cu nan ta wrodo controla, esey ta algo cu zorg pa e pueblo, y bishitantenan sinti nan mas sigur. Pero na final di dia, e siguridad di e peublo ta “priceless”.
Pero lo cuminsa cu e dronenan, lo mester zorg pa e indice di criminalidad baha drasticamente, pero no ta bay cera wowo pa e posibilidad cu tin un helicopter tambe. E minister di Husticia kier explora e posicion eynan, pa cual a pidi e ofertanan.
Pa loke ta e camaranan instala rond di Aruba, cu e gobierno anterior a cuminsa cu nan, ta algo cu gobierno actual lo duna prioridad nan dje. Pero lamentablemente, e proyecto di camara y tin varios aña caba ta tende di esaki, sin cu esaki a logra, no a logra materialisa esaki. Esaki tabata tin varios reto cun’e y ministerio di Husticia lo bay haci un ‘quick scan’ cuanto placa e lo costa pa pone e camaranan aki traha.
Pero e proyectonan cu lo kie cuminsa cun’e ta e proyecto di drone, cual pronto lo keda finaliza. Pa loke ta e camara, lo bay check si ta trata di software, ya cu e ta algo cu tin varios aña caba drumi, mas di 4 aña. Lo mester wak si e ta factibel, pa inverti den algo cu lo sali mas caro cu’n helicoper. Si e problema di e camaranan ta algo relativamente facil, lo resolve esaki. Pero tin plan A y plan B, pa yega na restaura e siguridad di e pueblo pa tur hende biba trankil atrobe y tambe nos bishitantenan, segun minister di Husticia, mr. Andin Bikker.