Hopi hende no a bay wak carnaval pasobra na no sa si ora nan bin cas bek, nan cosnan lo ta na cas, esaki mirando e casonan di atraco y ladronicia, cual ta laga hende hopi preocupa, segun Andin Bikker di partido POR.
Pueblo no por warda September yega pa entre otro trece siguridad riba nos isla. Por a nota cu den fin di siman, tantisimo atraco a tuma luga y tin varios persona a bisa e Parlamentario cu nan no a bay wak carnaval pasobra nan tin miedo cu durante cu nan ta mirando Carnaval, cu nan ta haya nan mes cu ladronicia riba nan cas y haya nan confronta cu hende ta bin bay cu nan cosnan. E parlamentario a bisa cu a observa esaki y a tene cuenta caba cu den parlamento awor aki practicamente a tene varios reunion cu e minister concerni y a bisa varios biaha caba cu e reunionnan no ta yuda pa e control di Parlamento riba e responsabilidad ministerial.
Ta bisa esaki pasobra ora ta bin den un bijeenkomst ta topa cu e minister, tin tres minuut averahe pa haci’e algun pregunta, e ta contesta y for di eynan e ta bay. No tin ningun manera pa eherce e instrumentonan cu tin como parlamentario, pa por por ehempel presenta un mocion of bin cu sugerencianan via un mocion pa dirigi e maneho y si tin un ley, pa bin cu amienda. A cansa di tanto oportunidad caba cu a duna e minister aki. Pesey pueblo no por warda pa September yega. Ta e unico manera cu nan por duna un señal pa vota contra e Gobierno aki pa trece siguridad riba nos isla.
Na fin di dia, si e minister no kier saca su conclusion y su fraccion ta keda sostene no obstante kico pasa y no ta duna pueblo proteccion, eynan mes mester saca e conclusion cu e unico maner ta Solo el Pueblo Salba el Pueblo. September pueblo por duna un señal cu nan no ta aproba e falta di maneho cu tin riba e siguridad riba husticia riba nos isla, e parlamentario a splica.