Andin Bikker lider di Partido Democracia Real, a splica den rueda di prensa, cu den medionan di prensa el a lesa e declaracion di Minister di Energia relaciona cu nos refineria, y no tin nada nobo cu no a wordo bisa na Juli ultimo.
Segun Andin Bikker nan a yega na palabracionnan pa loke ta trata e planning, pero e fecha a hala un tiki pasobra den locual nan a presenta den Parlamento na cuminzamento di Juli, ya caba nan a indica cu nan kier haya e terenonan bek, cu nan ta bay cera cierto acuerdonan cu Valero, etc., pero nada mas a bin un poco diferencia di opinion, pasobra aparentemente gobierno kier a casa cu Citgo sin a divorcia di Valero.
E ora ey a trece cierto tardansa y na lugar di Augustus aworaki e por compronde cu e fecha cu nan ta premira ta bay bira 1 di October. “Na Parlamento mes nos no a haya nada ainda. Nos por a compronde cu cierto conceptonan di ley ta na Raad van Advies y otronan ta yegando Raad van Advies, y cu den e proximo simannan nan lo yega Parlamento pa trata nan prome cu fin di September y pa 1 di October, como e fecha premira awor, lo por cuminza cu e operacionnan y en todo caso, cu e preparacionnan pa restart e refineria loke ta bay tuma un par di luna y aworaki Gobierno y Valero a yega na un settlement di divorcio y awor por bay over na casamento cu Citgo y pesey e fecha a hala un tiki pero den prensa nos no a mira nada nobo di loke nan a presenta na Juli, na Parlamento” Andin Bikker a bisa.
- Latest
- Trending
