Lo bay trece algun orador pa duna curso na hendenan cu kier haya sa mas di e mundo di internet paso esaki ta un sistema di economia nobo sigur pa nos pais. Sr. Andin Bikker ta splica.
Esaki ta pa e asina yama millenials, cu ta hobennan of di cualkier edad cu ta interesa pa cuminsa den economia di internet, internet start ups. Sr. Bikker ta sigui splica cu su persona tin hopi aña ta papia ariba e economia nobo, caminda cu e ta kere cu mester bin cu pilar economico y esun mas factibel, den su concepto ta economia di internet.
Algun di e oradonan lo bin duna curso, y algun di nan a yega di bin Aruba caba dne pasado. Sinembargo, e accesibilidad na e cursonan aki tabata pa profesionalnan. Den e caso aki por haci e seminario accesibel, por dun’e gratuito of un contribucion minimal pa cubri gasto. E importante ta pa e ta accesibel pa un y tur, vooral pa e hubentud cu tin interes pa haya contacto cu companianan manera Google, Yahoo! y Microsoft, y tambe cu tin interes pa haya contacto cu e persona cu ta opera den e mundo di startups, internet company.
Sr. Andin Bikker, esaki lo duna contenido na e vision pa cu un pilar economico nobo, cu ta e compania di internet, esaki lo contribui grandemente y lo wordo bon ricibi pa e hubentud cu ta hambra pa conocimento y contactonan ariba e ambito aki.