Andin Bikker: E trabao cu Gobierno tin pa stimula economia no ta tumando luga

Andin Bikker lider di PDR durante e conferencia di prensa semanal a splica riba e energia renobabel. E incentivonan cu e gobierno aki a haci ta masha poco mes. Segun Andin Bikker tin leynan y maneho di ley pa cambia pa crea un incentivo real. E clima di inversion mester ta bon ancra. Tur aña gobierno ta organisa congreso cu hende di exterior pa papia riba economia berde. E tarea di Gobierno pa stimula e economia mes no ta traha riba dje segun Andin Bikker.
PDR ta bay presenta den cuadro di tratamento di Codigo Civil, un amienda netamente pa loke ta trata panelnan solar y tambe celnan energetico moderno.
Pa splica un tiki, e Gobierno aki tin como shete aña caba ta papiando di energia renobabel, economia berde, etc. Pero ora cu bay parlamento como hurista y como legislador, y wak ta cuanto ta e leynan cu ta yega Parlamento cu ta adresa e incentivonan pa por inverti den economia di Aruba riba energia renobabel y/of economia berde, nan ta hopi poco mes. Segun Bikker, un ley cu e ta corda ta rebaho riba invoerrechten riba autonan di coriente y/of hybrid. Tabata tin maneho cu a wordo adapta, pero leynan mes no a yega specificmente riba estimulo fiscal pa companianan estableci akinan y hopi biaha a bisa cu si no ank’re, no tin un incentivo di berdad, pasobra poco hende ta bay inverti riba un maneho. Maneho por cambia di un dia pa anochi. Pero un ley ta tuma tempo pa cambi’e. E ora tin un clima di inversion mas miho ancra. Door cu e Gobierno aki ta papia hopi, organisa tur aña tin masha hopi congreso invitando hendenan bin di experior pa papia riba Green Economy. E ora a bisa cu e tarea di Gobierno pa traha leynan cu ta stimula e economia aki, esey mes nan no ta cumpliendo cun’e. Nan ta biaha rond mundo duna charla, pero ora di haci loke nan tin cu haci, cual ta modernisa nos leynan, eynan mes nan ta durmiendo den luz berde. E ora PDR ta bisa, cu awor cu ta tratando Codigo Civil, ta bin en todo caso, dunando un granito di arena den interes general, pasobra nos tur ta biba na Aruba, ta bin cu un amienda caminda cu ta bay drecha e Codigo Civil den un manera cu ta bay baha e prijsnan of e inversion pa por inverti den panelnan solar, segun Andin Bikker di PDR.

Comments

comments