Andin Bikker: ​PDR ta felicita Prensa riba nan dia special

Riba 1 di September ta celebra dia Internacional di Prensa y cu esey un dimension special di e derecho universal di libertad di expresion. Prensa ta desplega un papel importante den un democracia sano, controlando pa medio di noticia e pasonan di gobernacion, exponiendo e dolornan y necesidadnan
cu ta biba den comunidad. E trabou di periodista sigur no ta facil, e oranan di trabou ta largo y ta poco dianan liber tin durante aňa paso noticia ta sigui 24/7.
Ademas ora prensa eherce critica riba Gobierno, vooral ora ta trata un Gobierno di un solo signatura, hopi biaha esaki no ta wordo aprecia como critica constructivo. Al contratrio, tin cierto ministernan cu hasta ta tuma critica na pecho y ta purba pone presion riba miembronan di prensa afectando asina directo y indirectamente e libertad di expresion. PDR en todo caso ta contento cu Prensa na Aruba, no obstante e retonan menciona, ta sigui desplega su trabou na un manera profesional y critico. PDR ta desea tur miembro di Prensa un feliz dia y hopi exito.

Comments

comments