Aña escolar nobo a cuminsa na Colegio Arubano

Despues di un vakantie di seis siman largo, diahuebs 15 di augustus, 1.610 studiante
a crusa e portanan di Colegio Arubano, pa e prome dia di les di e aña escolar nobo,
2019-2020. Den e localnan, 93 docente tabata cla pa cera conoci personalmente y
pa un introduccion di e lesnan programa. Pa 193 alumno di prome klas di Ciclo Basico, e cura di scol y e localnan na e localidad EMMA ta completamente nobo. Pa nan esaki ta comienso di un fase nobo den nan bida, despues di scol basico. Igualmente pa hopi di e 320 alumnonan di
HAVO-4, Colegio ta un ambiente nobo. E aña aki HAVO-4 tin un crecemento enorme, pa motibo di e admision di alumno cu diploma di MAVO. Aña escolar venidero, 312 alumno lo haci examen pa HAVO y 92 pa VWO. Aña pasa tabata tin 300 alumno cu a haci examen final pa HAVO y 123 pa VWO. E generacion nobo di Colegio Arubano: Ciclo Basico 1 y 2

NA COLEGIO ARUBANO 3 DOCENTE TA CELEBRA OCASION MEMORABEL
DEN ENSEÑANSA
Na comienso di e aña escolar 3 docente a haya reconocemento, pa motibo di nan
aporte na enseñansa y na Colegio Arubano. Ta den enseñansa Señor Duke Croes ta
eherce su trabou pa 40 aña caba y e ta sigui como docente di Geschiedenis na
Colegio Arubano. Señora Annie Sneek tin un trayectoria di 35 aña den enseñansa.
Sra. Sneek tabata e prome hende muhe cu a bira Conrector na Colegio Arubano y e
ta continua cu su trabou di hopi aña, esta docente di Spaño. Otro docente, Señora
Annette Peterson-Bredie, tambe ta conmemora e hecho cu pa 30 aña e ta docente di
Ingles na Colegio Arubano. Cada docente a ricibi un buket di flor for di Rector di
Colegio Arubano, Señora Michella van Loon, cu a expresa palabra di elogio pa e
dedicacion y e entusiasmo cu tur tres docente ta demostra diariamente na e
studiantenen. Di links pa rechts: Juffrouw Bredie, meneer Croes, juffrouw Sneek y juffrouw Van Loon

Comments

comments