Parlamento di Aruba ta habri aña 2018 cu un reunion di Inter parlamentair Koningrijks Overleg. Sr. Ady Thijsen, Presidente di Parlamento ta elabora.
IPKO ta un reunion entre e parlamentonan di Aruba, Hulanda, Corsou y St. Maarten, cual ta tuma luga na un di e partnernan di Reino den luna di Januari y na Juni lo bay Hulanda. E biaha aki, Aruba ta anfitrion y cu esaki tin basta trabao pa haci, for di 9 te cu 11 di Januari. Tin un paar di topico cu semper nan lo trata, cu loke ta trata e samenwerking den Reino.
E biaha aki a pidi pa e biaha aki pa no trata e geschillenregeling, y esaki lo tuma luga na Juni. Parlamento di Aruba ta preparando, y esaki ta algo cu bon mirando e desaroyonan den Reino. Y tambe, mirando cu Aruba mester tin mas contacto cu Hulanda, den ultimo temponan vooral ariba e situacion financiero. Y riba nivel parlamentario, lo topa cu otro coleganan. Lo combersa cu e otro parlamentonan ariba kico ta e posibilidad pa hunto sali for di e problemanan.
Mas aleu Sr. Thijsen a splica cu Hulanda a pidi pa no trata e geschillenregeling, ya cu nan tin un gobierno nobo, nan tin un samenstelling nobo, mescos cu Aruba. Door cu tin miembronan nobo, Hulanda a pidi cooperacion, ya cu nan tambe ta haya e topico aki interesante, y ta duna e hendenan mas tempo pa conoce e materia, pa un miho debate na Juni. Lo bay stress hopi ariba e parti economico y wak con hunto ta yega na otro. Vooral na e small development di e islanan. Esaki ta interesante pa tur e islanan y tambe pa Hulanda. Esaki door cu e parti di BES eilanden ta toca Hulanda.
Den e reunion aki di IPKO, ora cu topa den e reunionnan aki ta hopi cos ta wordo papia tambe p’afo di e reunionnan, mirando cu ta sinti cu tin un crisis den Reino, anto esey ta un topico cu tur keir papia cu otro, door cu ta haya tur e delegacionnan hunto. Lo papia cu otro y pa tin comprension pa prepara pa Juni.
Reino Hulandes no por keda funciona na e manera cu e ta, cu e toolsnan cu tin. Nan mester yega na consensus cu otro y Sr. Thijsen ta kere cu por yega na un rol grandi den esaki. Esaki apesar cu Aruba tin problemanan financiero grandi, pero Aruba por sali di dje. Aruba ya caba a tuma cierto posesion caba, pa loke ta trata integridad, mester zorg pa nos estado di derecho funciona manera cu e mester ta, Parlamento mester funciona manera mester ta. Institutonan manera Raad van Advies, Algemene Rekenkamer mester haya nan sosten. Y esaki ta e caminda cu nan kier cana, hibando un situacion financiero sano.
Si Hulanda semper ta bisa cu esey ta e caminda cu nan kier pa Aruba cana, nan ta can’e. Esaki Sr. Thijsen por haci’e cu hopi enfasis, cu mester pone Aruba su posicion constitucional den Reino. Aruba despues di a bira un pais autonomo na 1986, den e delaster 8 aña, Aruba a manera tambalea. Kico ta Aruba su posicion? E no ta manera Corsou of St. maarten, ya cu Aruba tin Status Aparte for di 1986. Ta bon pa Aruba reestablece nos posicion y asina nos ta sigui cana den Reino manera cu mester ta, segun presidente di Parlamento, Sr. Ady Thijsen.