Diadomingo, dia 29 di September 2019 a tuma lugar e di 25 edicion di Aruba Reef Care Project, cual ta un evento organiza pa Aruba Reef Care Foundation y unda ambos e team dinamico di Amsterdam Manor Beach Resort y di MVC Eagle Beach a sa di participa un biaha mas, manera t’e custumber for di dia cu e evento a cuminsa. Algun di e areanan di Aruba cu a ser cubri ta entre otro Bushiri Beach, Eagle Beach, Palm Beach, Surfside Beach, Mangel Halto y Grapefield. Neptali Henriquez Park tabata e centro di operacion unda cu e accion a ser coordina. Un di e propositonan di e evento aki tabata pa comunidad wordo incentiva p’asina conhuntamente manifesta nan compromiso cu medio ambiente dor di yuda mantene nos beach y lama limpi. Na final di e projecto, tur pariticipante a ricibi un certificado di aprecio hunto cu un t-shirt di recuerdo.