Aña 2017, segun plan, ta e aña cu Direccion Desaroyo di COA tin den su programa ampliacion y fortificacion di e base pa locual ta trata preparacion di entrenadonan deportivo.
Den luna di April 2017 nos a cuminsa cu e prome ronda di e curso basico. Un cantidad di mas of menos 25 participante lo bay ricibi nan diploma proximamente.
Apenas nos a finalisa cu e prome ronda den e prome siman di September 2017 cu ya caba, den e tercer siman di September 2017, nos a cuminsa cu e segundo ronda di e curso basico.
Mescos tabata e caso den e prome ronda, un biaha mas e entusiasmo pa participa na e curso aki ta hopi grandi. Un total di 30 cursista a cuminsa e curso cual grupo ta representa 14 deporte.
E segundo ronda aki ta programa pa termina na final di luna di Januari 2018.
Comite Olimpico Arubano ta yama bon bini na e grupo nobo y ta desea nan tambe tur clase di exito.