Caracas, VENEZUELA- Amnisty International a urgi gobierno Venezolano pa stop e represion contra di manifestantenan di oposicion y a exigi tambe pa conoce e componentenan di e gas cora uza contra di e poblacion diasabra.
“Ta urgente pa autoridadnan Venezolano garantisa e derecho di libertad di expresion y pa nan stop di biaha cu e uzo excesivo di forsa contra di esunnan cu ta eherce su derecho pa manifesta pacificamente”. Segun Amnity International, e recursonan aki uza pa reprimi e manifestacion, gobierno Venezolano por uzanan pa soluciona e crisis humanitario cu dia pa dia ta birando pio”, segun declaracion di e Directora pa America di Amnisty International, Erika Guevara.
E manifestantenan a expresa nan preocupacion pa e lansamento indiscrimina di bomban lacrimogeno color cora cu a wordo uza diasabra, ora cu Polis Nacional y Guardia Nacional Boliviariana (GNB) a tira e gas aki contra di e manifestantenan cu tabata kier a yega Defensoria del Pueblo pa exigi de destitucion di magistradonan di Tribunal Supremo de Justicia cu a kita Asamblea Nacional for di su funcionnan mediante un sentencia.
Fuente: www.ntn24.com