Un hoben di 19 aña, unico cu ta provee pa su famia, a bai na un lagoen e fin di siman cu a pasa hunto cu su amigonan y a tira su mes den awa pa demostra cu e sa landa. Un di e hechonan insolito e inhumano a keda registra e fin di siman aki na Darga, India. Akinan un grupo di hoben a filma nan amigo mientras e tabata hoga den un lagoen bao bista di tur presente. E video cu a bai viral riba internet a registra e momento cu e hoben, Jaffer Ayub di 19 aña a bula den e lagoen mientras e tabata wordo filma pa su amigonan, pero ta sufri un serie di dificultadnan pa mantene su mes ta flota. Un di e amigonan di Jaffer Ayub, kende riba e video e ta na rudia, a bisa su amigo pa stop di haci chansa y sali pafor, pero realmente e tabata hogando. Segun su amigonan, Jaffer no tabata sa landa pero e tabata kier a test. Sinembargo, secondenan despues di ta den awa, miedo a apodera di dje y el a hoga dilanti di su amigonan, kendenan na ningun momento a stop di graba. Television di India a informa cu e hoben hunto cu su amigonan a bai na e lagoen y e tabata unico persona cu tabata traha a sostene su famia debi cu e tata tabata un alcoholico. Defacto, na momento cu polis a bai na cas di e otro hobennan, nan mayornan no a laga polis tuma declaracion di e hobennan. Nan a bisa cu e hobennan ta den estado di shock, specialmente despues di e incidente.