Mescos cu durante temporada di carnaval, nos Amigo Didi a traha positivamente pa Fundacion Anti Droga Aruba, asina durante Semana Santa tambe e campaña di Amigo Didi lo continua. Ruliënne Arends di e fundacion, a splica cu durante temporada di Carnaval el a causa un furor masha grandi mes y ta contento pa e reaccion cu nan a haya. Pa Campamento tambe a graba un clip cu a post riba Facebook. Tabata tin hopi view. A mira hopi hende a shar’e. A mira e comentarionan cu a haya. Ta convenci cu e video a causa furor caba. Ta un video cu a haci’e cu hopi amor pa e temporada di campamento. Tur hende mester corda Campamento, Fun. Ta bay pasa weekend cu friends y famia. Pero sigur alcohol lo tey presente. Ta algo cu no lo bay falta y kier a djis trece e mensahe un biaha mas cu si bo ta bay bebe y bo tin pensa di stuur, pense dos biaha. Busca bo Amigo Didi pa e temporada di campamento.
Apart di esey lo bay tin, mescos cu Carnaval, tabata tin e guysnan riba bicicleta cu e sign di Amigo Didi, lo bay tin e esey tambe e aña aki, cu tur hende por wak cu Amigo Didi tey. E lo keda un parti hopi grandi di FADA y henter e aña.
Hopi hende a gusta e campaña y hopi potret a wordo saca. Manera ya indica, lo bay tin e guysnan cu lo bay haci uzo di bicicleta pa asina e hendenan cu ta campando, pa mira cu Amigo Didi tey. Esey ta un reminder. No solamente ta wak e mensahenan riba Facebook, ta mira e video, ta hay’e leuk y ta lik’e. Pero despues di algun dia nan ta lubida riba e Amigo Didi. E bicicletanan ta perfecto pa ora cu bo ta campando bo mira e sign di Amigo Didi.