LAS VEGAS, Nevada – Marilou Danley, di 62 aña, ta amiga di Stephen Paddock, e sospechoso di e masacre na Las Vegas, unda a fayece 58 persona y mas di 500 a resulta herida.
Poco ora despues cu e atake a wordo perpetra for di e piso 32 di Hotel Mandalay Bay, polis Metropolitano di Las Vegas a lansa un alerta pa busca Danley, kende a confirma cu e tabata di biahe na Filipinas, bishitando su famia, USA Today a informa.
Danley a biba den e ciudad aki desde 2003, segun e registronan obteni na Reno Gazette-Journal, di e tribunal di districto di e Condado di Washoe.
Amigonan di e muhe tabata esnan cu a confirma cu e tabata di biahe y cu el a traha como anfitrion na Atlantis Casino Resort & Spa, cual a wordo confirma riba su profile riba LinkedIn.
Danley tabata casa cu Geary Danley, kende awo ta biba na Arkansas. Nan a casa na Las Vegas na 1990, segun e registronan di e condado di Washoe.
Geary a solicita pa divorcio dia 25 di Februari di 2015, cual a conclui e dia siguiente, proceso durante cual e muhe a informa cu e tabata biba den Sierra Avenue, den un unidad cu na e momento ey tabata propiedad di e sospechoso Paddock, kende a bend’e na December.
Danley y Paddock tabata biba hunto den e parti zuid di Las Vegas.
Fuente: www.laopinion.com