Amienda riba Geregistreerd Partnerschap ta pasa cu 11 voto na fabor 6 en contra pero cu algun cambio den dje

Parlamentario Desiree de Souza-Croes ta sinti su mes hopi contento cu e amienda aki a pasa, esta di Geregistreerd Partnerschap. Tambe e ta gradici e tres miembronan di MEP, esta Evelyn Wever-Croes, Glenbert Croes y tambe Chris Romero. E ta duna danki pa a vota pa e amienda y tambe Andin Bikker, cu tur e trabaonan cu a haci hunto y tambe Marisol Lopez-Tromp. E parlamentario ta hopi contento. Mas ainda ora cu mira con e comunidad ta asina contento. Tabata tin hopi persona di LGBT community den tribuna y tabata enormemente contento. Esey ta duna e parlamentario full un alegria y satisfaccion di e trabao cu a wordo haci.
De Souza-Croes a sigui splica cu tabata tin tres punto. Un di nan ta cu mester kere den familierecht. Tabata tin un discusion dado momento cu no mester ta asina. E tabata do or die. E di dos tabata cu e ta wordo introduci den sistema cu tin hopi cos cu ta cuadra cu su derechonan. Ta manera cu e wordo introduci, esey tambe a keda mesun cos. Den esey tambe for di un perspectiva positivo y no descriminacion. Berdaderamente el a bay di fractie pa staten pa haci’e mas non-descriminatorio posibel y esey tambe a logra. E di tres punto si, mester a tira awa den biña ta e Staten bepaling cu mayoria tabata kier’e afo. A yega na otro door di pone cu a omschrijf e statenbepaling den e memorie van toelisting. Awo el a wordo hinca den un otro caminda. Awor aki ya caba minister ta trahando riba esey.
Hopi biaha ta gewoon ta e forma cu lo tabata un tiki diferente. E derechonan duna ta practicamente mesun cos. Solamente mester warda pa bin bek parlamento y den cada ley tin cu cambie awo, bin bek parlamento cune. Den esun cu de Souza-Croes tabata tin lo a regle automaticamente y awor tin cu regle cu cada ley, bin bek cune Parlamento y e ta pasa. A bay di acuerdo caba cu e amienda e ora mester pase e ora.

Salida di Desiree de Souza-Croes di AVP?
Semper Desiree de Souza-Croes no lo sali for di AVP, pero lo bandona parlamento. Awe cu e amienda a pasa, dado momento e ta duda si e ta sali. Ya algun siman pasa a duna palabra cu e no lo sali. Mas tanto na su votadornan, e comunidad di LGTB, cu ta pidi’e pa keda y cu e ta nan representante den Parlamento. Pa e motibo ey e no ta sali. E ta keda den parlamento te fin di aña parlamentario di otro aña y despues di eleccion en principio ta pensa cu e no lo bay bek eleccion, pero despues di esey e lo wak kico lo e bay haci cu su bida.
Den cualkier funcion cu e lo ta, e ta keda para pa e lucha di igualdad.

Comments

comments