Dia cu mi a topa Simón Gollo pa prome bes na Teatro Baralt di Maracaibo y el a tende cu ami tabata president di un fundacion cu ta yuda hobennan cu beca pa sigi studia, espontaneamente el a ofrece di duna un concierto pro bono na beneficiodi e fundacion.
A tuma varios aña prome cu mi a realiza cu Simón a hereda e fascinacion y amor pa educacion di su tata.
Tempo cu Armand Simon tabata tene su Festival di piano, e ganadonan di e competencia tabata haya como premio un trip pa Maracaibo y nan tabata keda como huesped na cas di famia Gollo.
Mescos a sosode tambe e prome añanan cu Festival Nuevo Mundo Aruba. Arubianonan tabata keda como huesped na cas di famia Gollo.
Papa Américo Gollo tabata u GIGANTE den educacion na Zulia:
respeta, admira, reconoci y homenahea pa su logronan den ramonan di Educacion y Cultura.
Naci na Estado Trujillo, na 1969 Américo Gollo a gradua di Universidad del Zulia (LUZ) na Maracaibo y el a keda un Zuliano te na su morto. El a biba poco tempo na Alemania y Hungria caminda el a bay tuma algun curso. Na aña 1979 el a ricibi e titulo di Doctor di Estetica.
Américo tambe tabata profesor cabesante di Departamento di Ciencias di LUZ.
Na 1993 señor Gollo tabata a gana e premio regional di literature Jesús Enrique Lossada cu Gobernación del Zulia a presenta. Gollo a skirbi pa e diario Panorama durante hopi aña y tabata trese un variedad di solucion na e problemanan fundamental di e momentonan di crisis e tempo ey. E profesor tambe a sirbi su estado adoptive como Secretario di Cultura durante gobernacion di Lolita Aniyar de Castro. Na 1996 Gollo a wordo nombra coordinador di e Comision Central di e aña hubilatorio di LUZ.
Indudablemente, un di su logronan mas remarcabel to como co-fundador di Facultad Experimental de Artes (FEDA). Na April di 2023 LUZ a reconoce contribucionnan y trayectoria di Américo Gollo como academico cu e titulo Doctorado Honoris Causa.
Nos ta desea famia di e defunto hopi forsa den e dianan dificil aki.
RIP Américo Gollo Chavez.
Skirbi pa Clyde Harms
