Sr Libertado Hoek di departamento di Ambulance den un entrevista a comenta cu nos ta den e ultimo luna di aña 2019 y cu ta e periodo mas druk pa ambulance y trafico lo bira mas druk y ta trece cune cu lo bay tin mas accidente y hendenan ta mas activo na cas y por hayanan envolvi den incidente. Hopi biaha nos sa haya incidente tambe na cas e.o hende ta cay for di trapi, dak y otro casonan inparticular y ta un periodo hopi druk. Tambe e fin di simannan bo ta hayabo cu e comementonan di negoshi y caya ta bira druk cu accidentenan di auto y cu normal durante aña.
Sr Libertado a bisa cu nan ta prepara pa brinda asistencia na tur nan tres postnan, Imsan, Wayaca y Schotlandstraat lo tin ambulancenan disponibel. Ta pidi na momento cu yama 911 duna un splicacion di kico ta pasando, y kico a pasa na e centralist pa asina e por haci un bon filter pa cu e yamada.
E centralist tin cierto preguntanan cu e ta haci y no ta haci esanan pornada y mester corda cu e centralist por yudabo e momento tambe y duna cierto instruccionnan te ora cu ambulance yega. Pa locual ta casnan bo ta hayabo cu no ta lihe pa haya e cas y adresnan ta bruha y tin biaha bon pa splica e color di cas pero laga un hende para pafo ora ambulance presenta. Anochi tambe tin su consecuencia pasobra tin hende ta verf e number mes un color di e cas y cu ta dificil pa mira. Locual ta pidi pa e hendenan ta hopi cauteloso tanto na cas, y trafico.
Awor cu nos tin e Watty Vos Blvd ta pidi e automobilistanan pa duna e ambulance un espacio ora nan ta den emergencia pasobra e por ta un famia dibo mes cu nan ta bayendo pa un caso di emergencia of hospital. Ta pidi e automobilistanan pa no core tras di e ambulance ora e tin zwaailicht y sirena debi a ripara cu hopi hende ta haciendo esaki pa yega un punto lihe y bo ta treciendo tanto bo bida, e ambulance y otro hende nan bida na peliger.