Den oranan di mainta un ambulance bayendo direccion di un accidente a haya su mes envolvi den un accidente na altura di Cayena Mall na Playa.
Tabata trata di un vehiculo cu a bay duna preferencia na e ambulance, pero cos a sali for di man. Segun por a compronde, e chauffeur di e Nissand Tiida a bay hala na banda drechi, cu ta un entrada di un parkeerplaats.
Pero e Nissan Cube su dilanti no tabata mes lihe, y e ambulance a bay dal den e Cube.
Por mira cu e ambulance su parti robes ta esun cu a sufri mas daño, indicando cu e chauffeur di e ambulance mirando locual tawata bay pasa a hala na su man drechi. Ambos tire di e ambulance a kibra, parti di e body a sufri daño y e spiel a kibra.
Ariba tirenan kibra e ambulance a sigui bay y mas pabou a baha caminda y keda para eynan. Hefe di ambulance Sr.Hoek tambe a presenta pa pone su mes na altura di locual a sosode.
Na e sitio polis mester a busca chauffeur di e Nissan Cube cu lo a trata na bandona e sitio, bisando cu e ta bay yama un persona eybanda mes. Polis sinembargo a pone den auto pa sigui cu investigacion.
Mester a pidi Takelwagen pa bay cu e Ambulance y e Cube cu no tabata por a core mas. No tabatin herido.