SEATTLE, Washington – E compania di e-commerce Mericano, Amazon, ta optando eventualmente posibilidadnan pa por warda su mercancia bao di awa. Esaki a bin sali na cla for di un patente cu a wordo otorga na e compania.
Debi na tecnologia, e compania por realisa spaarmento di costo importante, pasobra e no mester bay hinca placa bruto den adkisicion di tereno y trahamento di deposito.
E concepto na prome instante tin un bista straño y ta parce futuristico, pero teniendo na cuenta cu e actividadnan di e compania, e patente, segun un cantidad di experto, ta hopi menos straño di loke hende por pensa.
Segun e patente, nan mercancianan por wordo warda den depositonan acuatico, y Lake Union ta un di e luganan cu a wordo apunta, cual ta keda den cercania di Seattle, unda cu e oficina principal di Amazon ta ubica.
Logico
E paketenan lo mester wordo proteha cu empakenan waterproof y deposita den awa den tanki cu trucknan di carga of drone. A base di transponder e luga di e pakete ta wordo registra. Ora cu un pakete ta wordo hiba na su destino final, e transponder tambe ta duna un señal, mescos cu un submarino, pa e bolbe subi bek na superficie. Segun mark Skilton, profesor di sistemanan di informatica na Warwick Business School, un declaracion logico por wordo duna pa e peticion di patente.
Fuente: https://nl.express.live/