Sra. Soreen Richardson di Fundacion Amazing Reality, cu ta di Orlando Florida tambe a forma parti di e siman di Speciabilities. Sra. Richardson su yiu ta sufri di Down Syndrome.
El a ripara cu na Aruba no tin e sosten manera cu tin na Orlando, pa cual nan a lanta un fundacion pa nan por yuda Aruba. E aña aki nan a forma parti di Sea Bunita, Sea Bo Mes pa organisa e siman bunita aki. Lo bay tin un dia di cinema, lo tin diferente charlanan.
Diahuebs lo tin 4 terapista di Merca lo duna un charla na Universidad di Aruba, unda nan lo conta e importancia den e prome añanan di e mucha y con esaki ta yuda den e independencia den nan bida. Tambe e importancia di e inclusion completo.
Diasabra ta e dia unda cu famia por topa cu terapistanan, caminda cu e mayornan por haci un cita pa nan por haya un informacion completo con nan por yuda nan sernan keri, ariba e area di terapia, manera speechtherapy, physiotherapie y occupational therapy.