Dia 2 di mei, 1990, Alvin a cuminsa traha na e tempo ey scol tecnico Dr. Martin Luther King na San Nicolas como administrador financiero. Despues na aña 1997 mi a bay over na scol EPB cu despues di algun aña Alvin a sigui den leerlingadministratie y onderwijs ondersteunend personeel. Te cu awe Alvin ta haci e trabou di promer auxilio(EMT) na colega y alumnonan na momento cu tin mester. Manera e mes ta bisa: “Mi ta hasiendo mi trabou cu plaser y lo sigui asina tambe”.
Awe 4 di juni, algun colega a sorprende Alvin den e docentenkamer na EPB cu un brindis chikito. Director di scol, meneer Mathilda a elogia e bon trabou desplega pa Alvin durante e 30 añanan na e institucion. Semper Alvin a eherce su trabou cu hopi amor y dedicacion.
Staf, personal y alumnonan kier a yama un danki na meneer Alvin Oduber y desea su persona tur clase di exito den su trabou!!!