Ta masha importante pa muchanan tin conocemento di CPR (prome auxilio). No solamente pa yuda nan mes pero tambe pa yuda otronan den un situacion di emergencia. Esaki ta e motibo cu e exalumno di Pius X School Jphan Richardson a organisa un curso pa e muchanan di ultimo aa di e scol basico na Dakota.
Richardson a logra yega hopi leu den bida y awendia ta doño di su mesun negoshi Zeth Quality Services.
E ta pensa den caso cu un mucha di e edad aki ta den compania di un di su mayornan y algo . Ta bon pa e menor sa kico pa haci bou di circunstancianan di emergencia, e procedura pa sigui prome cu ayudo profesional yega na e sitio.
Muchanan di 6de klas no ta chikito ni grandi. Nan ta desaroyo di cambio y suficiente grandi pa tuma accion den situacion di emergencia si nan tin e conocemento.
E ta encurasha otro comerciantenan pa sigui e iniciativa aki y financia e tipo di cursonan aki na e diferente scolnan na Aruba.
Nos no por tin hobennan cu cualkier momento por haya nan mes den un situacion di emergencia, y no sa kico pa haci. P’esey e tipo di cursonan ai ta hopi importante, John Tromp di ImSan a splica. Muchanan di 6de tin e capacidad pa compronde e seriedad di un situacion y tambe pone den practica accion cu mester wordo tuma.
Loke cu a hala atencion ta cu e mustra nan aki tabata interesa pa siña tambe, pasobra ta hopi pregunta nan tabatin of deseo pa haya un miho splicacion di cierto cosnan cu mester haci den algun caso specifico di accidente of di un persona cu a bira malo.
Na final a haya un examen teoretico y e parti practico pa por a haya e certificado.
E scol mes tabata hopi contento cu e iniciativa di nan ex alumno. Allen Boye, un docente na Pius X School, a splica di importancia di e tipo di cursonan aki. E curso aki inclusive ta importante si algo pasa na scol mes y si no tin un adulto cerca inmediatamente, pa nan ta na altura di cual ta e prome pasonan cu mester tuma.
E muchanan a keda hopi satisfecho y loke nan a siña.