Josephine Albertus, presidente di Sindicato SIMAR ta informa maestronan riba algun cambio cu por a tuma nota den locual ta e richtlijnen pa loke ta trata e cuarentena.
E sindicato ta acentua algun di e cambionan aki cu nan ta haya preocupante. Entre otro, tin un cambio cu ta significa cu un alumno bao di 13 aña, cu ta den cuarentena pasobra un persona den su vivienda ta positivo, tin permiso pa atende les na scol, pero despues di scol e mester drenta bek den cuarentena.
Pa SIMAR, e decision aki entre otro ta preocupante y ta puntra nan mes si e decision aki lo por tin consecuencia pa e salud di su compañeronan/maestro y tur esnan laborando na e scol. SIMAR a trece e preocupacion aki dilanti y ta den spera pa un contesta.