Den un entrevista cu Alto Comisario Ramon Arnhem, e ta conta nos colega Lelicia Tromp riba varios anectoda cu el a bin ta topa cu ne, durante di su funcion como Altocomisario di Polis.
Su bida na Aruba
Altocomisario Arnhem a splica cu e ta bayendo bon na Aruba. Aruba ta dushi y e ta sinti cu e ta na cas. E gusta e comunidad. E gusta nos Cuerpo Policial y no tin nada pa keha. E ta sinti hopi bon.
E tin un tempo caba na Aruba ta eherciendo su funcion como Altocomisario di polis. Como mucha el a soña pa bira polis. Core tras di ladron, den auto di polis, etc. Despues ora el a bira un tiki mas bieu, e kier duna ayudo y haci bon obra y yuda e comunidad. E tabata un soño. Den su carera hopi cos el a pasa aden.
El a conta cu no ta un momento, pero diferente momento, el a splica. Tabatin un tempo cu e tabata chef di Transporte Publico na Amsterdam y tabatin un atentado terorista riba dos Mericano.
E ehecucion di polis, esta su team y e impacto riba e comunidad pa loke ta e atentado terorista, tabata algo grandi p’e. Ta hopi impacto el a haci riba dje.
Aki na Aruba mes, e ta sinti cu e Cuerpo ta uno solo, vooral durante e temporada di Carnaval caminda cu nan ta uno solo cu e comunidad, y a demostra esey tambe. Hunto cu comunidad nan tabata gosa cu e comunidad estrechamente.
Tin diferente cos cu por uni e cuerpo cu comunidad cu ta causa impacto.
Su experiencia na Hulanda sigur a causa influencia riba su manera di traha na Aruba. Aki e ta siña tambe. E ta siña y ta trece un tiki di dje fo’i Hulanda. E ta influencia sigur, segun Arnhem. Pero liderazgo ta algo cu ta mesun cos. Pero ta e contexto bo mester adapta.
E DIFERENCIANAN
Aki na Aruba, Cuerpo Policial ta realmente disciplina. Tur dia nan tey y ta bay pafo pa traha. E ta hopi diferente di Hulanda, el a splica. E respet cu e coleganan tin pa leiding di e Cuerpo y e respet cu e comunidad tin pa polis, ta hopi diferente.
Na Hulanda e ta otro. Aki na Aruba tanto e comunidad como e cuerpo mes tin respet pa otro.
Ta un prioridad pa cuerpo p’e comunidad ta conecta cu nan. Esey t’e base di nan trabao. E conexion ta percura pa sa kico ta tumando luga y sa kico mester haci. Polis ta sirbi nos comunidad. Cu esey mester sa kico ta haci. Mester ta bon informa y mester ta para bon den comunidad. Ta algo hopi importante.
CURSO PA POLIS NOBO
Aworaki Cuerpo Policial mester di mas polis. P’esey mes Arnhem ta conento cu nan ta yenando klas. Segun Arnhem, e ta bayendo bon. Tin cu yena dos klas cu 50 aspirant di polis y awo mester wak con nan tur ta logra gradua. Esey tambe ta un aspecto importante.
ACADEMIA DI POLIS
Na Aruba tin un Academia di Polis y e ta orguyoso di dje y mester mantene. Nan mester reforsa nan propio cosnan y mantene nan. Mester inverti y mester mantene e edificio. E coleganan mester di un scol y un luga mas sigur. Pesey mester inverti mas.
E Academia t’e base di tur. Bo ta drenta como aspirant den e academia y for di eynan ta bay mas leu. E academia ta e luga central den e cuerpo.
Su core business como altocomisario di polis, Ramon Arnhem a splica, cu ta e siguridad y bienestar di su coleganan polis. Sin esey bo no por cumpli cu e otro metanan.
E base mester ta na ordo y tambe pa nan tin suficiente manera pa nan traha. Nan ta traha hopi overtime y e loke nan tabatin prome no tabata bin.
Awo nan ta hayando auto nobo, edificio sin fungus, portofoon nobo, diferente opleiding, pasobra e bienestar tambe ta conta. E motivacion ta un meta y ta loke nan ta realisa tambe p’e agentenan.
E cos abstract ta e desaroyo di e organisacion. Mester bin un restructuracion, esta bin un organisacion nobo y percura pa tin ‘opvolging’ y bin cu un otro tipo di liderazgo den e cuerpo. Mester tin liderazgo nobo pa ora e bieunan bay. E continuidad mester sigui, segun Arnhem.
DIFERENTE RETO
Cuerpo Policial tin diferente reto. E opleiding ta percura pa desaroyo di e trabao. Tin desaroyo di liderazgo tambe. Awo nan ta bay busca talento den e cuerpo y trece nan den opleiding pa nan por desaroya.
Si ta bay riba e organisacion mes, e restructuracion y cambia e cultura y structura, ta hacie hunto cu DRH y e otro aspectonan ta bay pareu cu opleiding, training.
E cos importante ta, cu tin un direccion cla y mester mantene na e vision.
TURISMO DI NOS PAIS
Turismo ta algo importante pa nos economia, segun Ramon Arnhem. Polis ta traha hunto cu diferente partner, manera ATA, AHATA. Den e cadena di siguridad tin diferente partner. E resultado awo ta cu tin un Tourism Patrol bek.
E resultadonan ta visibel tambe. Daily Telegraph a haci un investigacion y a ilustra cu Aruba pa prome biaha den 16 aña, t’e pais mas sigur den Caribe y ta algo cu mester ta hopi orguyoso.
T’e resultado di un bon cooperacion di e diferente partnernan, E no ta bin di un solo instituto. Ta un agenda conhunto pa salvaguardia nos turismo y nos comunidad y ta mustra e resultadonan.
Loke ta significante ta cu Aruba ta number un riba e lista ey. Ta un posicion hopi fuerte, pero tambe ta uno fragil.
TERORISMO
Si nos papia di siguridad, nos ta hopi mas den mira di hende. Aruba ta cla sigur p’e aspecto di terorismo. Continuamente ta bezig cu training, prepara tras di cortina cu BRA, cu diferente partner NCTVI, Veiligheidsdienst. Esaki constantemente ta riba agenda. Cu Aruba ta hopi sigur, ta un indicacion cu un terorista no tin e chens pa bin haci algo fo’i sla.
Hopi ta wordo haci pa prevencion, segun Arnhem.
CYBERCRIMINALITY
Criminalidad cibernetico ta algo cu tin atencion special. E no ta specificamente pa polis. Pero ta un problema compleho den e siguridad.
Ta busca y inverti den training riba e parti aki.
TRAFICO DI DROGA
Pa loke ta trafico di droga, e instroom cu e botonan ta bin y por mira den e radarkamer, caminda cu nan ta gara hopi droga ya di manera trempan riba lama.
Ta confisca esakinan y ta manda e hendenan aki bek. Nos costa ta hopi bon sigura. No ta haci wega cu entrada di ilegal y droga pa Aruba. Esaki sigur ta stroba nos comunidad.
Inlandig mester tene bon cuenta p’e hubentud. Tin contacto cu diferente scol, traha hunto cu diferente partner den e parti social, pa señala unda tin problema. Con mester di e atencion real.
E instroom ta loke nan ta hopi severo den dje. Hunto cu Wardacosta, Defensie y e radarkamer, ta vigila nos costa.
Riba tera (binnenland) ta traha hunto cu e partnernan den e parti social pa señala famia of bario of nos muchanan tin mester di atencion.
Tambe cua gang di droga tin cu ta bezig cu esaki. Continuamente Cuerpo Policial tin atencion p’esaki. E aspecto aki Cuerpo Policial ta tuma hopi na serio.
Ora cu ta drenta den e mundo criminal, nunca e lo ta exitoso.
INTERPOL
Antes Interpol tabata resorta bao di KPA. Ramon Arnhem a splica cu tempo el a yega Aruba e tabata asina. E ta respeta esey. A trata e tema aki tambe den pasado. Awo e lo keda manera e ta te ora cu dicidi otro y awo mester haci lo miho riba e manera aki.
Pa ken cu por ta, tur tin un meta comun. Esaki t’e siguridad di nos pais, Aruba. P’esey tin cu traha miho posibel pa garantisa esey.
Pa loke ta organisacion, nan tin nan mesun maneho. Por papia riba dje, pero e bienester general ta algo comun.