Entre 3 cargonan sancionan ta haya e vice presidente Venezolano, Delcy Rodriquez y e minister di Defensa, Vladimir Padrino Lopez.
E Oficina di Control di Activonan Stranhero, perteneciente na e Departamento di Tesoro di Merca, diamars a publica un actualisacion di su “blacklist” caminda ta inclui Cilia Flores, casa di e presidente Venezolano, Nicolas Maduro, y un grupo di miembronan di gobierno di e pais Suramericano.
Moscu a rechasa “categoricamente” e “practica di presion” eherce pa Washington. Asina e director di e departamento pa America Latina pa e Ministerio di Exterior Ruso, Alexander Schetinin.
E lista SND, cu ta inclui personanan cu segun e gobierno Mericano, tin relacion cu narcotrafico of labamento di placa, a inclui e siguiente funcionario Venezolano:
Cilia Adela Flores de Maduro: abogado, esposa di e mandatario Venezolano y constituyente.
Vladimir Padrino Lopez: minister di Defensa.
Delcy Eloina Rodríguez Gómez: vicepresidente ehecutiva di Venezuela.
Jorge Jesus Rodríguez López: minister di Comunicacion y Informacion.
Di mes manera, ta inclui e nomber di e siguiente personanan:
Jose Omar Paredes, piloto Venezolano.
Edgar Alberto Sarria Díaz: empresario cu nacionalidad Venezolano y Spaño.
Ademas, e siguiente entidadnan, relaciona pa OFAC cu Sarria Diaz, a wordo agrega na e lista:
Averuca: agencia di vehiculonan special rural y urbanos ubica na Caracas.
Panazeate: empresa di servicio di hosteleria cu sede na Valencia, Spaña.
Quiana Trading Limited: ubica na e British Virgin Islands.
Un avion, atribui tambe na Sarria Diaz, ta inclui riba e lista aki.