Dia 30 di maart, e Landsbesluit a drenta na vigor. Y prome cu esey caba, Sr. Andrew Hoo, Alto Comisario Suplente nobo a cuminsa cu proceso di cera conoci di nobo cu su coleganan. Esaki ta pa e por haya un feedback di e funcion, mirando cu su persona a keda casi un aña for di CUerp Policial.
Diamars tabata su prome dia bek na pia di trabao, cual a bay bon. El a hay’e cu hopi retonan su dilanti, y tambe asuntonan cu a wordo tuma over di ex comisario manera e adkisicion di e unidadnan nobo. Esey tambe tarea di Sr. Hoo ta pa maneha esey mas amplio posibel, y zorg pa e coleganan polis yega mas cerca di pueblo, pa brinda e siguridad cu ta wordo rekeri di nan.
Gobierno tin un vision ta pa tin mas polis ariba caya y Sr. Hoo ta remarca cu esey ta e meta di Cuerpo Policial semper, pa ta mas cerca di pueblo y brinda siguridad, pa polis ta mas visibel. Tin diferente tacticanan cu a purba y algun tabata exitoso y otronan tabata menos exitoso. Su tarea ta pa hiba un maneho di con pa pone mas polis ariba caya.
Mirando esey, tambe cu lo traha ariba e strategia y vision, mester zorg pa bin cu personal y ekiponan suficiente tambe. Un vision cu e Alto Comisario Interino tin tambe ta cu mester haci un sondeo y wak si e materialnan actual, of e aplicacionnan den e banco di dato ta compatibel cu e sistemanan cu Cuerpo Policial kier implemente.
Pero tablet sigur lo bin pa facilita e trabou di e oficialnan riba caya den caso di haci control di rijbewijs valido of situacion di ilegalidad na Aruba unda cu e polis por wak esaki den e sistema di biaha por medio di un tablet, sin cu mester mas papeleo y documentacion.
Esaki lo ta un di e meta na corto plaso y ahusta algun procesonan cu nan tin caba y pone nan traha den funcion di haya bienestar pa cuerpo policial por haci nan trabou.
Tambe Cuerpo Policial lo kier traha estrechamente cu bevolking pa cera e proceso ey pa nan, y segun Sr. Hoo, e no kier inventa e wiel, e cosnan t’ey caba y mester pone nan traha na bienestar di e pueblo.
Critica semper ta positivo, y Sr. Hoo esey ta den su zona. E sa cu tin hopi bista ariba dje y esey no kiermen cu e lo haci fout, pero esaki ta tene un persona straight den su trabao. pa cual e ta acepta criticanan constructivo. Sea critico semper ta bon, contal cu e tin un banda positivo, cual pa Cuerpo di polis semper lo ta necesario pa mehora y lo wordo tuma na cuenta pa hiba Aruba dilanti anto cu un maneho y cooperacion mutuo entre polis y comunidad pa sirbi na e mesun pueblo. Asina Sr. Andrew Hoo, Alto Comisario Interino nobo a finalisa bisando.