Alopecia por wordo preveni?

Alopecia ta e perdida anormal di cabey. E por sosode tanto den hende homber como hende muhe, aunke lo mas comun ta cu e ta aparece den e hende homber. Un 90% di hende homber ta sufri di alopecia. Aunke generalmente ta papia di alopecia pa referi na e perdida di cabey, e por referi tambe na e disminucion di esaki den tur e zonanan cu tin cabey, manera wenkbrauw, zona genital, brasa, pia.
Ta existi varios tipo di alopecia y no tur por wordo combati, ya cu nan ta ireversibel of ya ta demasiado laat. P’esey, pa esunnan cu no ta mucho agresivo, akibou nos ta duna algun conseho pa sigui. No semper por combati alopecia, pero tin posibilidad di cu siguiendo algun habito determina, esaki por sosode hopi mas despues.
Alopecia por wordo preveni? 10 conseho pa evita alopecia
Manera ya caba nos a bisa den e introduccion, dependiendo di e tipo di alopecia cu nos tin, tin solucion of no. Loke ta si ta duidelijk, ta cu gran parti di e casonan ta pertenece na un mesun tipo y cu, si sigui algun conseho, esaki por wordo retrasa of pa e no ta asina visibel. E gran aprti di esaki ta dirigi na e hende homber, ya cu esunnan mas perhudica, pero e por sosode tambe cerca e muhenan cu ta sufri di caida di cabey.
1. Shampoo anti caida
Aunke e ta parce algo evidente, no tur persona cu ta sufri di comienso di alopecia ta recuri na e producto aki pa limpia su cabey. Hopi ta e marcanan cu a comercialisa e tipo di shampoo aki, pero no esey no kiermen cu e ta e solucion pa nos problema. Den caso di duda, lo ta miho pa acudi na un dermatologo pa e duna nos un conseho.
2. Bebe hopi awa\
Mescos cu e resto di e partinan di nos curpa, nos cabey tambe mester wordo hidrata pa luci briyante y saludabel. Ademas, e ta bira mas resistente. Pa esey, sigui cu e habita di bebe al menos dos liter di awa pa dia pa yuda combati alopecia.
3. No uza petchi
E conseho aki por ta tambe tur local nos ta pone ariba nos cabes. Ora cu nos ta tapa nos cabes, ta posibel cu nos cabey ta cay door di e tanto biaha cu nos ta frega ariba e cabey, cada biaha cu nos kita of pone un petchi, of un sombre. Di otro banda, nos cabey tambe mester hala rosea, pa cual no ta bon pa abusa di tapa nos cabes.
4. Vlecht y paardestaart
Aunke cu normalmente e hende muhe tin cabey largo, nos no mester lubida cu e hende homber tambe ta uza e look aki. P’esey, ta importante pa no mara e cabey mucho strak, ni tampoco vlechtnan mucho cera. Ora di haci esaki, e cabey ta kibra y ora cu e presion ta cerca di e raiz, e daño por afecta e cuero di cabes.
5. Baha man na blower
Un biaha mas, esaki tin di haber cu aparatonan. Tur loke t aproduci calor lo perhudica nos cabey seriamente. Por lo tanto, den caso cu e ta inevitabel pa haci uzo di esaki, lo ta necesario pa haci uzo di protectornan di calor, pa aunke no por evita e daño, si minimalisa esaki.
6. Evita uzo di gel
Tur e productonan aki ta reseca e cuero di cabes, haciendo cu esaki ta bira hopi mas fragil y ta kibra enbes di crece. P’esey, ta necesario pa uza gel cu cierto control y si ta estrictamente necesario, ya cu e efectonan posterior lo no ta asina facil pa resolve manera tuma e precuacion aki.
7. Tapa pa solo
Independientemente di e si ta zomer of ta winter, e solo ta afecta nos cabey negativamente. Esaki mester wordo protegi semper y cuando nos expone nos cabey na solo pa un tempo largo. Solo ta seca nos cabey mescos cu e ta kima e resto di nos curpa.
8. Evita stress
Hopi biaha, stress ta e causa di e caida di cabey. P’esey ta importante cu, durante situacionnan di stress, por controla nos nervionan pa e no afecta nos apariencia fisico. Purba di mantene bo mes calmo na tur momento.
9. Massage
Hopi biaha, ta necesario stimula e cuero di cabes pa nos cabey por crece sano y fuerte. Pa esaki ta existi un serie di massage cu ta stimula e cuero di cabey y cu despues lo ta beneficioso pa e salud di nos cabey, y di un forma evita of retrasa alopecia.
10. Bay dokter
Hopi biaha, alopecia tin un motibo medico cu por bay mucho mas leu cu no mas algun conseho cu nos ta duna akinan. P’esey, den caso di cu no tin un motibo duidelijk , e lo por ta un motibo genetico y pa cual bo mester bay dokter cu lo por dunabo un diagnostico como tambe un tratamento.

Comments

comments