Internacional: Allan McDonald tabata e homber clave cu por a tuma e decision di sea para of sigui cu e micion “Challanger” dia 28 di januari 1986.
Esaki ta debi cu mirando e anochi prome, el a sinti cu algo malo y el a nenga di firma pa e raket bay, e tabatin tres motibo valido pakico mester wanta esaki.
Mirando e presion pisa cu NASA a buta cu ehecutivonan di “Morton Thiokoi” caminda e raket a wordo traha, a hala e decision di Allan un banda pa asina tog sigui cu e operativo.
E raket “Challanger” a subi shelo y despues di 72 seconde a explota y asina 7 persona a bin perde nan bida. Despues di e incidente nan a purba pa tene Allan su boca cera, pero el a sa di trece dilanti kico a pasa. Tabatin un momento cu asta nan a lage cay den su trabou pero mas despues a keda promovi pa ta vise presidente y a haya un rol importante den e compania. El a retira na aña 2001 y el a keda dedica su mes pa siña hobennan cu kier a sa mas di e area cu el a siña pe. E informacion lamentabel a drenta cu Allan McDonald a fayece na edad di 83 aña na Ogden.