Sr. Allan Howell, parlamentario di partido POR ta elabora ariba nos sistema di husticia, mirando keto bay ainda tin algun atraco ta sosodiendo.
Esaki ta trece cierto nervio, insiguridad den pueblo, pero mester compara esaki cu boxeo :”no ta solamente cuanto golpi bo ta haya, pero cuanto bo ta duna”. Y den e caso aki, mester duna e minister di husticia actual un ‘pluimpje’. E minister ta trahando di tur manera pa ataca criminalidad. Esaki ta algo cu ta sosode tur rond mundo y ta imposibel pa trece esaki na cero.
Pero importante ta pa tin un plan di atake, y e ta dunando Cuerpo Policial un parti di su plan. Ta trahando ariba e parti di trece helicopter. Ta trahando duro tambe ariba e parti di mas material di cuerpo policial. Ta trahando tambe ariba e parti di trece drone. Minsiter di Husticia a pidi tambe pa Cuerpo Policial pone mas personal ariba caya pa dia. Esakinan ta cosnan preventivo cu minister di husticia por haci.
Na momento cu un persona kier tira un atraco, cu si por preveni e atraco, kisas na luga di 7 atraco tin 1 so. Esaki ta algo cu mester traha ariba dje, cu mester minimalisa y manda mensahe bon cla pa tur e atracadonan, tur esunnan cu ta echa baina den criminalidad, cu aki no tin wega.
Tin un gobierno nobo, cu parlamentarionan nobo cu ta bay traha na bienestar di pais pa trece trankilidad bek ariba nos isla. Segun Sr. Howell, su persona ta trahando ariba leynan nobo pa cu criminalidad, pa cu e castigonan. Ya caba fraccion di POR ta bezig cu e tramitenan aki pa cuminsa cambia e leynan, pa bin cu leynan fuerte pa castigonan halto, pa zorg pa e pueblo ta trankil atrobe.
Un otro ley cu POR Ta trahando ariba dje ta pa duna Cuerpo Policial e maximo autoridad atrobe, e bevoegheid pa cu LTU, pa controla e ilegalnan, cu ta bin Aruba, na un manera debido. Te asina leu, Sr. Allan Howell, parlamentario di partido POR.