Dolor di garganta ta un di e sintomanan cu tur hende, por lo menos un biaha den bida, nos tin cu enfrenta.
Su aparicion ta di origen viral of bacteriano, casi semper relaciona cu e infeccionnan cu ta afecta e vianan respiratorio, amandel y e garganta mes.
Esakinan ta desencadena un reaccion inflamatorio den e tehidonan cu, entre otro cosnan cu ta provoca e sensacion di ardor, iritacion y dificultad pa guli alimento.
Si ta bon, rara bes e ta alerta un condicion grave, hopi ta busca pa duna algun tipo di tratamento pa acelera su recuperacion y evita complicacion.
Pa suerte, den actualidd tin hopi remedi convencional y natural cu, den poco tempo, ta yuda neutralisa e sintoma aki pa e no afecta e calidad di bida.
Entre e opcionnan, nos ta haya nos mes cu algun mangel antibiotico traha na cas, ideal pa reduci e dolor mientras cu nos ta fortalece e sistema inmunitario.
A continuacion nos ta contabo cualnan ta su propiedadnan y con nos por preparanan facilmente.
Tuma nota!
Mangelnan antibiotico pa alivia e dolor di garganta
E mangelnan antibiotico ta funciona di forma similiar na esunann refrescante cu ta wordo bendi den tienda pa e alivio di e garganta.
Esakinan ta combina ingrediente cu propiedadnan antiseptico y antiinflamatorio cu, tras di wordo asimila, ta yuda combati e virus y bacterianan cu ta provoca infeccion.
Su aportenan di vitamina y mineral ta fortalece e sistema imunitari y dado cu ta aumenta e presencia di anticurpa, ta ideal pa acelera e recuperacion di e afeccionnan.
Su bentaha riba otro remedinan ta cu e ta disolve poco poco den boca, cual ta genera un efecto analgesico cu ta controla e kimamento y e iritacion di e garganta.
Di paso su propiedadnan expectorante ta facilita e expulsion di e flemanan reteni, alabes cu ta preveni tosamento y congestion.
Su componentenan antibiotico y emoliente ta controla e proliferacion di microorganismo di e vianan respiratorio, locual ta determinante pa acelera e recuperacion di e garganta.
Sumando esaki, ta conta cu propiedadnan antioxidante y depurativa cu ta promove e eliminacion di toxinanan pa evita afeccionnan di mayor cuidado.
Con pa prepara e mangelnan antibiotico aki?
E mangelnan antibiotico cu nos ta proponebo a continuacion, ta wordo elabora for di e mescla di honing organico di bij hunto cu juice di lamunchi, sucu y ginger.
Ta un formula saludabel, no apto pa diabetico, cu por disminui e dolor di garganta, relaciona cu problemanan maner griep y verkoud.
Su consumo ta provoca un agradabel sensacion di alivio, en especial ora cu bo ta sinti inflamacion y dolor den e zona.
Ademas, dado cu su ingredientenan ta antiviral y antibacteriano, ta sirbi como complemento pa controla e infeccion desde su origen.
Ingrediente
½ cup di honing organico (167g)
½ cup di awa (125ml)
Juice di un lamunchi
1 cuchara di ginger na polvo (10g)
5 cuchara di sucu blanco (50g)
Utensilio
Recipiente resistente na calor
Cuchara di palo
Forma pa mangel
Waxpaper
Preparacion
Incorpora e honing den un recipiente resistente na calor y pone na baño di Maria, riba candela medio.
Agrega e juice di un lamunchi fresco y e ginger na polvo y mescl’e cu un cuchara di palo.
Sigui mescl’e mientras cu e ta keinta y ora cu tur cos ta bon integra, reduci e temperatura y sigui cu e mescla.
Pasando mas of menos 5 pa 8 minuut, kita un cantidad chikito di e producto y pon’e den un glas di awa friu.
Si esaki solidifica mesora ta pasobra cu e mangel ta cla. Di lo contrario, bo mester continua na mescl’e mas tempo.
Si ya bo por retir’e, spera cu e mescla reposa un poco y bash’e den un forma di mangel prome cu nan solidifica
Despues, ora cu nan ta cla, saca e mangelnan y basha tiki sucu blanco riba nan.
Pone nan riba waxpaper y wardanan den frigidaire.
Modo di consumo
Pa alivia e dolor di garganta, introduci un mangel den bo boca y lag’e disolve sin mord’e.
Ripiti su consumo cada 4 pa 6 ora.
Bo ta sigui sin purba nan? Awo cu bo sa e forma diferente aki di alivia bo garganta, anima bo mes pa prepara nan y uz’a nan como parti di bo tratamento.
Pa su agradabel sabor, nan ta ideal ora cu e muchanan bira malo.
Nan lo gust’e un mundo.
Fuente: https://mejorconsalud.com