Nos a combersa cu Ali Padron, kende ta vice minister di turismo internacional, kende na prome luga a felicita e pueblo di Aruba, kende a brinda e apoyo na hopi Venezolano pa nan pasa momentonan hopi agradabel. E tabata presente na un reunion cu a wordo organisa pa e ministerio di comercio exterior di Venezuela y tambe tabata tey presente e ministerio di pesca, ministerio di turismo, trahando cu autoridadnan di Aruba pa estrecha e lasonan cu ta historico.
El a splica cu tin mas of menos un 80 empresario Venezolano y 35 empresario Aruba, pa asina sinta hunto pa traha hunto pa promove y desaroya e relacionnan. Den caso di turismo, ta importante señala cu tin un cantidad importante di buelo cu ta bin Aruba for di Venezuela y ta papiando cu autoridadnan di turismo na Aruba, pa hiba parti di e turistanan cu ta bin di Europa pa bin haci un multidestino, manera turismo di montaña. Dia 30 di April ultimo, a elabora e teleferico mas grandi di mundo, den un obra mahestuoso cu por hiba te na e top di Pico Espejo atrabes di cinco estacion. Esaki tabata un oportunidad importante, pa nan haci un multidestino pa bin Aruba, cu ta cerca di Venezuela y por ocrece e seronan grandi den e estado di Merida. A papia cu varios aerolinea riba e importancia pa haci e ruta di Aruba pa El Vijia y otro destinonan di Venezuela, cual lo ta ofreciendo, entre otro montaña, llano, Canaima, cual ta destinonan cu lo complementa e solo y beach cu Aruba ta ofrece, Padron a splica.