Ultimo tres dia tras di lomba a conoce 198 caso nobo bou di nos localnan. Actual Aruba tin riba 499 local activo. Informacionnan cu ta yega na nos redaccion ta informa cu diaranson algun scol a manda klasnan completo den cuarentena unda tin mucha a resulta di ta activo. Sigur na un scol na Savaneta un hobencito di 11 aña a sali positivo, algun dia prome a bay celebra su cumpleaños cu casi full e klas y esaki a causa tambe cu a manda full un klas cuarentena.
Ultimo tempo por tuma nota cu tin varios scol hobennan ta saliendo activo ta desconoci si ta wordo pega na scol mes door di otro alumno of ta pega na cas.
Mientras cu scolnan ta sigui mantene e parti di higiena y distanciamento den klas pero maestronan ta sigui haci nan maximo posibilidad.
Por a compronde for di docente di algun di e scolnan cu a manda klasnan den cuarentena lesnan ta siguiendo via sistema digital cu camara unda e studiante no ta perde nan les.