Diabierna merdia personal di parke arikok a mira algun cos ta drief riba lama yegando Conchi na prome instante a pensa ta dos curpa. A pone kustwacht y polis na altura. Personal di kustwacht a yega cerca cu nan metal shark y a capta cu no ta nada di curpa pero mas bien algun palo ta drief. Helicopter di Polis cu tambe a lanta vuelo a constata cu ta palo. Asina a cancela e alarma. Y esaki a keda confirma tambe pa Cuerpo Policial di Aruba cu ningun momento ta trata di curpa ta drief pero di algun palo.