Tur aña pa loke ta Dia di Obrero 1 Mei autoridad ta hayanan confronta cu tin negoshi cu no ta permiti pa habri ta habri tog scondi y ta garanan. Tin comerciante no kier compronde cu prome di Mei ta obligatorio pa keda cera. Durante control di Polisnan rond ta logra haya luganan habri. Polisnan tabata riba caya e.o a controla wak si tabatin negoshi habri.
Na Brazil a haya dos supermarket habri y a keda cera di biaha.
Na Playa tabatin joyeria y markthallennan pabou di Arubus tambe tabata habri ora polis a bay hala nan atencion pa ta cera nan no a gusta. Nan a menasa polis di lo yama Minister contra e oficialnan. Ta mustra cu yamando un mandatario por viola ley pasa dilanti autoridad cu ta haci nan trabou, y tog esnan cu ta bende paña y mas cos na e markthallen a keda habri.
Na Noord tabatin algun negoshi cu a habri den mallnan.
Ta mustra cu pa siguiente añanan DEZHI, cu ta Directie Economische Zaken, Handel en Industrie tin cu duna autoridad na e trahadonan pa subi caya y controla y asina yama polis pa parti multa, debi cu e ambtenaarnan aki no tin e curso di BOA ainda cu Gobierno no a fix pa asina nan tambe tin e autoridad pa actua ora cu un negoshi comete actonan castigabel y asina traha un rapport completo.