Diasabra anochi na e crusada banda di spring field riba Bernhardstraat a sosode un accidente unda chauffeur di un nissan march a dal tras di un truck pickup. E impacto tabata fuerte, e march a keda basta kibra y e chauffeurnan a para riba e parkeer plaats di spring field. E chauffeur di e march tabata bou influencia y na prome instante cu polis a presenta a notifica trafico y roadservice. Pero manera polis a bay e chauffeur di e march a cuminsa busca problema y a tira algun mokete riba e chauffeur di e pickup. Polisnan di San Nicolas a yega di biaha pa atende cu e situacion y e homber tabata for di man un rato y aki a detene e chauffeur di e march y na warda lo keda interoga pa un sub fiscal y pasa test di alcohol.